黄.氏.私.家.房

x . xx

2008-12-02T02:08:00.003+08:00

十二月. 感觉好似有点期待, 有啲怀疑, 有啲迷失, 有啲积极, 有啲更加努力. 好似有啲乱.

今日收到一张卡. 或者应该讲, 係每年都会收到嘅唯一一张卡. 突然间, 好似有啲感触.

好多时都觉得, 一切事情嘅发生, 都係有原因, 有编排过咁. 譬如话, 呢张卡, 可能係天安排咗俾我嘅一個鼓励, 一個叫我唔好放弃嘅暗示.

现况, 都可能係天嘅安排, 令到我可以真真正正咁行出嚟. 出咗嚟, 好似有转机. 表面上嚟睇, 好事连连. 但係, 係咪真係好叻? 我有怀疑, 有惊, 有忐忑不安.

从来都无试过, 心, 变得咁惊. 係咪无咗信心叻? 唔係, 係真係惊, 係怯.

我尝试去揾答案. 又念到 ‘因果’… 咁, 上一世, 我做咗咩嘢, 令到今世咁叻?

我开始说服自己, 一切都係安排… 咁念, 我比较定啲.

定啲…

放松啲…

… … …

或者, 唔需要太担心, 一切已有定数…

好多时, 当我地迷失, 或者跌到咗时, 停一停, 望一望, 会睇到, 原来, 家, 係可以令我地钭一钭嘅地方.

收工时, 我好想快啲返屋企. 虽然屋企只有自己一個, 但係o係屋企嘅心情, 至少, 会松啲.

失落时, 我好想见见家人. 睇到大家o係小城市忙碌咁生活, 努力揾钱, 收咗工可以开开心心咁, 我心入边, 有啲酸… 会问一问自己, 咁多年嚟, 我做咗啲咩嚟叻? 我又做紧啲咩叻?

阿嬷病得越嚟越势厉. 返到去, 望见佢, 有口难言. 细细個阿嬷就带大我到六年级, 跟住我就嚟咗KL. 嗰时, 念住大啲会比较自由, 可以经常返嚟探佢. 但係到咗今时今日, 我又返过去几次, 返得几密叻?

佢抬一抬高头, 用力望一望我,

“阿BOY, 你肚饿未啊? 我煮個面俾你食吖?”
“阿嬷, 我唔饿啊…”
“哎呀, 我唔记得咗封生日红包俾你啊…”
“阿嬷,唔使啦, 你坐下啦…”
“嘿, 唔得…”

其实… … …

嬷, 其实我生日.. 过咗好耐…

觉得, 我好似… 好似… 一個人停顿咗…

我.伤咗

2008-09-22T22:55:00.006+08:00

好唔小心, 就咁伤咗...

说时迟，那时快. 刀一落, 血流如河...

大脉. 三针. 搞掂.

(很难打字, 简说)

厌.矛盾

2008-09-19T00:15:00.011+08:00

‘你去死啦’ 呢句, 似乎无咩咁值得奇怪. 可能係我地周不时都会讲到, 特别係用嚟闹人时. 但係我地通常都无么点念到, 呢句说话, 竟然係会伤得人咁重…

如果再加上附带嘅 ‘动词’, 严重性就更加厉害, 比如话 – ‘你跳楼死咗去啦!’

说者, 可能无心; 听者, 字字刺到入心入肺…

幻想下, 呢句‘你跳楼死咗去啦!’, 係由你嘅亲人口中道出, 讲俾你听嘅. 嗯… 够力, 真够力…

做人, 何为失败叻? 有时做人好矛盾. 当你觉得, 你已经好努力尝试去改变一啲唔好嘅嘢时 – 比如恶习, 都总是希望别人会睇到你努力嘅一面. 但係同时, 你亦知道, 改变并非因为要做给人看, 而係自己了解到嗰需要或应该, 所以先去做. 正当你仲係努力紧时, 旁人对你依然抱住同一嗰念你或睇你嘅方式时, 心入面梗会唔爽. 呢嗰时候, 应唔应该去讲返两句辩驳下叻? 讲嘅话, 人地就话你依然 ‘死性难改’; 唔讲, 别人就话你摆款, 发脾气. 讲, 定唔讲.

咁, ‘你跳楼死咗去啦!’ …

写blog, 俾唔俾人知好叻? 写得出来, 多少都有啲想俾人睇下. 俾人地知道咗, 睇过嘞, 就话你爱嗮嘢; 唔俾人知, 心入面又觉得争减啲嘢, 少咗啲满足感. 係咪好矛盾叻?

去或留, 进或退. 对与错, 是与非…

念返起嗰套由鄭伊健做嘅 “天行者”. 戏入面, 鄭伊健后生时做错好多, 坐埋监. 嗰时佢睇咗好多书, 悔改咗, 念到出返嚟要证明下啲嘢. 到最后, 无成功, 但失败未算. 我就觉得, 一切皆已天定.

戏入面, 仲有方中信. 佢有讲过一句 ‘一日係黑, 一世都係黑’.

用自己嘅念法去定论别人, 啱定错?

你讲嘅嘢, 又应唔应该听叻? 如果应该, 咁, 我依家就跳楼死咗去囖…

笑.烂地

2008-09-14T02:29:00.008+08:00

尋晚, 当阿康老细同我讲, 话 ‘果然真係有嘢发生咗’ 嗰时, 我都毫无头绪, 唔知佢讲么… 直到上咗佢嘅blog, 先知道, 呢块烂地又发生咗单勁嘢.

相信, 到咗咿家呢嗰时候, 应该成千上万嘅blog都已经有大幅度咁写嘢…

对于呢件事, 讲真, 我觉得真係好莫名其妙 – 嗰两個女主角为么要俾狗拉叻?

我都有睇咗男主角嘅某一片嘢. 可能就係因为睇咗, 然后开始跟信, 呢次狗党真係要使出杀手锏嚟作反击. 同时, 我觉得好多人亦可能好似我咁, 念到真係会有历史重演.

相信, 好多 ‘愤世派’就係抱住 ‘忍埋你几日’, 然后乖乖地, 唔出门, 唔搞抗议, 静静咁等候嗰一日嘅来临…

我有犹豫… 究竟o係呢嗰年代, 仲会唔会发生啲咁嘅事叻? 呢套橋仲work唔work叻? 直到睇到新闻讲话其中一個女主角已经被释放, 我心入面笑咗下 – 狗, 始终係狗. 无能, 就係无能.

曾经, 我都对一条友抱咗啲啲啲啲咁多希望. 但係自从佢 ‘升职’ 为內政部長 (home minister – 刻意唔放大H同M) 后, 我对佢大跌眼镜. 再加上听咗今日佢o係记者会度 ‘吠’ 嘅嘢, 我简直就想捅死佢.

咿家, 我将佢摆返埋同一個狗窦, 等佢同佢啲同类团聚.

一直以嚟, 我都唔瘾呢度. 我仲係觉得, 呢度唔係属于我族. 但係唔屈就自己, 又可以去边叻? 钱, 我未揾够, 移民唔到; 就算真係要, 又可以去边? 老豆, 阿妈, 又点叻? 到头来, 依然, 还是, 仲係一样 - 屈就.

睇咗ShooLing啱啱写嘅嗰篇嘢, 更加令我慨叹自己, 甚至係我族嘅身世… 从我开始接触商界时, 我已经知道, 我係绝对唔可以同人讲, 我係边度嘅人. 由于现实嘅残酷, 埋没真相係我于无法之下, 唯一可以行嘅路. 往往啲白皮肤就係咁.

真金不怕红炉火? 睇下把火几大唧…

我深信, 就算华哥有一日真係坐正 (唔知几时, 但绝对唔会係几日后), 呢块烂地都唔会有咩变化, 因为佢流紧嘅血, 係同嗰堆狗一样嘅, 思想, 心态, 都无分别. 论私心, 佢认第二, 无人敢认第一. 论 ‘斗争’, 恐怕嗰啲只不过係想 ‘翻身’ 嘅大戏. 不过, 睇佢咁嘅伎俩, 同陈水扁仲有段大距离…

咦, 讲开又讲, 佢点搞掂佢老婆嘅叻? 究竟係佢老婆一路嚟都好唔mind咁接受咗啊, 或者係只眼开只眼闭, 定或係仲蒙惺惺叻?

悲.人性

2008-08-30T03:46:00.003+08:00

一支烟, 一首If I ain’t got you, 开始咗今晚嘅blog…

放低…

o係尝试改变固执嘅同时, 学到放低同埋接受. 人到咗某一嗰时候, 都会念一念自己嘅转变. 睇下过去, 望下o依家.

呢嗰世界上, 好多不如意嘅事情经常都会发生o係我地身边. 当我地俾人陷害, 我地会好想去做啲嘢, 譬如话, 报复, 反击, 解释, 等等. 有时候, 更加令到我地不忿嘅, 就係嗰啲食饱饭无嘢做, 专门讲人是非, 八人家事嘅 ‘大忙人’, 将你啲嘢通街咁播, 务求全世界都 ‘收到风’. 何苦叻? 五大罪孽之一, ‘大忙人’ 点解宁愿作孽, 都要如此操心于人地啲事呢?

我念, 佢地就係渴望呢种… 爽/满足感/快感/乐趣/ ‘成就’…

要封闭人地把口, 係无可能嘅事; 要阻止他人伤害, 谈何容易; 要耿耿于怀, 更係无谓. 难得生存于世上, 要懂得看透与接受, 以平常心对待. 问心无愧, 对得住天地良心, 自然活得 (更) 好.

‘人最大的要求, 就係快乐’ … 但係, 快乐并不表示我地有权将佢建係人地嘅痛苦上.

因与果.

口德呢样嘢, 似乎o係呢嗰社会已经唔存在… 不过, 最为悲惨嘅, 係良知嘅消失…

生活係呢嗰社会, 人人都会 – 怕. 因为放唔低, 因为惊失去, 因为睇唔透… 所以会不惜一切, 毫无犹疑, 不择手段咁处事, 甚至害人, 唯求达到目的.

人, 真係好丑陋… 不过, 我地要识得睇漂亮嘅一面…

some people live for the fortune
some people live just for the fame
some people live for the power
some people live just to play the game
some people think that the physical things define what's within

some just want everything
but everything is nothing

谎.因果

2008-06-21T03:09:00.002+08:00

近呢几嗰月, 领略咗好多做人嘅嘢. 对于人地讲嘅道理, 或者分析, 都比较容易明白個中真理.

特别係一位大师讲嘅嘢… 好有意思…觉得自己好似有啲开窍.

“咩人, 咩嘢, 都会欺骗我地, 唯有因果唔会鈪我地…”

人总会讲大话. 指嘅大话, 并非吹牛, 而係广东话入面, 指谎言或诈骗嘅意思. 粗浊啲叫做 – 老点. 人往往因为自私, 贪婪等‘原因’, 不顾后果咁.. 老点. 当讲咗一嗰大话, 啲接二连三嘅‘续集’就会接踵而来, 呢啲就被称为圆谎.

讲大话, 係罪孽…

咁, 人又何解要圆谎叻? 因为恐惧.

当我地讲咗一嗰大话, 就会跟住再讲多啲去隐瞒, 唯求真相无被揭穿. 可惜, 讲越多嘅大话, 罪孽就越深, 换返嚟嘅, 就係痛苦 – 例如良心责备, 内疚, 等等. 不过, 一般人未必对呢种痛苦产生恐惧, 而佢地通常惊嘅都係一样嘢 – 面子.

请问, 面子, 咁重要咩? 又值得几银叻? 如果大话俾人揭穿咗, 你嘅尊严又何在叻? 仲值得别人尊敬咩?

今日, 我地嘅一嗰大话, 令到他人受苦, 受伤, 受折磨; 他日, 人地鈪返我地, 我地就怨天怨地.
今日, 我地讲大话利用人地, 遮掩事实, 令到他人受苦, 受伤, 受折磨; 他日, 别人鈪返我地, 我地就大骂无天理.

当你今日埋怨人地对你不义, 有无念过, 乘几何时, 你又点对过人叻?

种咩因, 得咩果. 嗰天好公平…

试念下, 如果呢嗰世界, 动物同人类调转角色, 啲动物为咗享受口福, 就随意宰杀人类嚟作为桌上佳肴 – 譬如话, 攞你只脚嚟焖 “人脚醋”, 咁你又得唔得叻?

一切基于因, 果…

烂.死水

2008-04-16T00:10:00.002+08:00

今日突如其来收到封note, 令我再次对时下啲年轻人感到遗憾…

OK, 其实我唔係好mind封嘢嘅内容讲么, 不过对于呢种无稽之人, 我就真係想发表下:

先唔讲你係唔係一個大方之人. 作为一個 ‘所谓’ 嘅 “时下尖端, 新潮, 有性格, 等等” 嘅后生仔, 应该好思想开通嘅… 不过, 又似乎唔係. 呢头将自己讲到么么几咁有自我, 原来都係得個无脑 (恕我直言, 对唔住都要讲). 我觉得, 呢款态度真係有够.. “痹”.

我其实好唔瘾o依家啲后生一辈. 当個個都只净係识得讲玩, 吃, 蒲, 有无念过你自己仲有咩作为叻? 讲 ‘爱’ 音乐, 你知唔知咩叫做爱叻? 听嗰三两首歌, 唱下两嘴, 就周街同人讲自己 ‘爱音乐’ (有啲就连咩叫唱歌都未知, 等阿叔教你啦..) 最顶唔顺就係嗰种上埋电视参加歌唱比赛… 哇哇哇… 唔该, 够啦… 不如睇下自己嗰package先啦…

年轻人, 是但披住啲烂衫烂裤 (特别係嗰种所谓嘅 Hip Hop 街头装), 就话自己几 in, 几潮… 头发有咁尖就得咁尖, 有几乱就挖几乱. 你话你地似咩叻? --- 咪成PAT烂泥咁囖! 有啲已经係返工人士, 上班装 + 狗头, 头发都好似 PAT 屎咁, 你嗰客见到你都走夹唔陡啦… 你不如唔好嘥咗人地公司啲资源啦…

啲女仔影嚫趁相就摆嗮啲囒可爱嘅pose. 妹妹, out 架啦… 唔该, 收埋嗰 ‘v’ 手势啦… 嘟嘴, 斜角拍摄, 哇…

年轻人, 请你地唔好再发梦, 唔好再影衰你阿爸阿妈, 唔好再拖累呢個社会, 唔好再影响市容, 唔好再拖累国家…

如果国家靠你班 ‘栋梁’, 我睇大家都係等收皮…

讲返转头, 我同呢位无稽小朋友嘅女友o係Friendster度都识咗有段日子, 大家一路来都有o爹几句 – 成熟女性, 思想正确, 脑袋正常. 无喇喇個粉肠写埋啲 ‘咁’ 嘅嘢, 真係… 笑唔笑你好叻? 就连英文都用到错嗮, 你读多两年书先学人讲啦.. 哎, 睇到都冷颤...

佢封靓嘢 (无修改):

Date : 04/15/2008 1:41 pm
Subject : so...
Message : u saw us...then? we just having something there maybe ,but.. what so special? no need to talk about it,not ur bussines, we're not interesting to chat~

年轻人… 一滩死水

活.精彩

2008-04-13T14:40:00.002+08:00

20080412/13

礼拜日/星期六晚, 半夜0039

今日去咗睇铁打 – 条腰真係好唔掂, 已经顶唔顺啦. 无论行, 坐, 訓, 都痛到想死… 经过一轮 '拯救’+ 大嗌, 最后总算OK. 架下仲痹紧…

“你再迟啲嚟睇就係咁先咖啦. 咿家就伤到大 '吡', 再唔医咖话, 以后行路都成问题…更加唔好念 '搞嘢' ”

: ]

o係嗰过程之中, 其实真係好痛, 简直係入心入肺. o係不为意之下, 眼泪滴咗落嚟都唔知道. 好记得, 痛苦底下, 我一直念住嗰班禽兽. 皮肉之苦, 真係不比心入面嘅伤 – 原来仇恨都可以有 '好处'.. :-/ 不过, 有仇恨係唔不应该嘅, 因为佢只会带嚟痛苦, 同时亦影响应有嘅<因果报应>.

最后, 我就孭住 '散嗮 + 成背同囖哊药贴' 嘅身离开医馆.

返屋企途中, 我念起一個近排识得嘅朋友 – 一個无忧无虑, 开朗, 生活轻松嘅朋友. 阿B

阿B 背景不错, 生活美好. 我觉得, o係佢嘅生活入面, 除了快乐之外, 係揾唔到其他. 吃喝玩乐, 非常精彩.

阿B问我, 你咁样每日每时每刻都只为工作, 你开心咩?

我念一念, 跟住答佢 " 每個人都有自己想追寻嘅嘢, 目标等等. "

一個人o係无压力同负担嘅情况底下, 会活得奢侈. 点解奢侈叻? 我咁睇:

世上有千千万万人, 但係每個人都只有一個人生, 一個 '每日24小时' , 不变嘅定理. 如何生活, 如何好好利用每人都一样拥有嘅每日24小时, 因人而别. 我用两种人作比较 – 乞儿同富有派 (此并非指有钱人, 一般普通+么都有嘅人都OK).

乞儿, 24小时里面, 望紧只是饱饭. 衣食住行, 基本需要. 富有派追名, 利, 势, 等…

乞儿求嘅, 係点 '揾到食'; 富有派烦嘅, 係点 '食到再揾'.

世上, 好多人渴望嘅只不过係基本生活, 同时亦有人为欲望而活.

么嘢叫 '活得精彩' 呢? 指嘅係丰富人生. 丰富, 唔係食几好, 住几好, 甚至玩得几劲, 而是人生短短数十载, 经历有唔有价值嘅存在. 每日24小时, 有人为生活而活, 有人为快活而活. 有人会选择做有意义嘅事, 亦有人懒理何为意义.

我要承认我不甘于平凡. 我要望得远, 去得远. 因为, 我要活得(更加)精彩.

少壮不努力, 老大徒悲伤; 先苦后甜…

其实当日, 我亦想同阿B讲, “我要老嚟有值得回味同珍惜嘅人生经历, 而非几识享受如食得几豪, 玩得几尽… ”

泪.感动

2008-01-14T02:15:00.000+08:00

今日食完晚饭, 睇咗一段ASTRO录低嘅节目 - '超级星光大道'. 发现, 有個叫蕭敬騰嘅人.

或者有人会讲 '哇, 么你咁OUT咖?'

係啊... 我就係咁OUT咖啦... 大佬, 我几丫岁人, 识得都叫OK啦...

无错, 我係俾佢把声感动咗. 不过, 同时最感触嘅, 係嗰种不屈不挠同埋努力嘅精神.

失败咗, 唔应该放弃; 赢咗, 更应再接再厉, 更上一层楼.

其实蕭敬騰的确曾经有赢过. 但係佢无停低, 反而再嚟多個ROUND. 因为佢觉得, 上次嘅胜利, 係因为对手无出全力; 呢次, 佢... 输咗... 睇到佢最后忍不住喊咗, 自己眼角都有啲泪水.

有泪水, 係因为好佩服佢. 睇紧呢段嘢时, 有人问我点解佢喊, 咁我话,

'你知唔知道咩叫二奶命?'
'即係咩啊?'
'成世都爬唔上第一囖'
'噢... 咁有咩关系叻?'
'用咗全力, 但係始终都失败, 咁似唔似二奶命啊?'
'哦...'
'嗰种复杂嘅心情, 要当局者先明. 佢喊嘅原因, 唔係因为输赢, 係为自己嘅付出同努力而感动...'
'係咪喔?'
' :) '

有次我攞成单生意, 坐紧机返马拉时, 都有流咗滴泪. 当时, 係同一個心情. 呢滴泪, 唔係因为单生意攞得成而流, 而係自己份努力感动咗自己...

抄下YouTube, 揾到佢... http://www.youtube.com/watch?v=wQdiaorSJ_k

新.一切

2008-01-08T23:11:00.000+08:00

睇下, 已经有成年几无update过呢度. 有心, 无力. 同时, 又唔想是是但但写. 讲到尾, 呢個係自己嘅嘢, 而唔係俾人睇嘅; 加上真係攞唔出空余时间...

真係唔係藉口...

2008... 好多人都会讲, 新一年, 应该有一個新嘅计划. 我都有俾好几個人问过, 而每次我都係答: 只望可以搞掂嗮啲嘢.

有好多嘢想要做, 但係往往单靠自己一個人嘅力量係好艰难去完成 - 当然, 讲紧嘅係工作上嘅嘢. 原本以为啲伙计已经听听话话, 会醒目, 会生醒, 点知, 呢個只係我個想象. 最后, 咪又係要靠自己... 咿家啲后生仔... 唉...

新一年, 我买咗自己嘅窦, 可以安安乐乐咁住o係入面. 咁梗係啦, 每個月就要洗多笔. 呢种有'安乐窝'嘅感觉, 好好... studio仔, 唔大唔细, 一個人住, 啱啱好... 最正係张床 - 净係张垫有成十几寸厚, 加埋個devan, 唔洗趴低成個人就o訓咗落去. 至爽係佢识索住你... 哇... 家下念起都想o訓啦...

新一年, 我同马拉电讯分手, 永远无偈倾, 同时, 转投另一无线网络, 自由自在, 去到边, 用到边... 讲开又讲, 同佢摊排时, 真係再一次感到失望. 鬼唔望你成世无进步...

新一年, 我会搞個新嘢嚟卖... 同时亦希望嗰個大动作会行得通...

新一年, 啲运程书啊, 师傅们啊, 都话今年会好. 咁, 究竟有几好叻? 我唔敢念, 但求事事顺利.

最后, 新嘅一年, 望天有眼...

人.感动

2007-08-13T23:09:00.000+08:00

人.

其实, 复杂.

企o係唔同嘅位置去睇人, 可以係一种学问.

念下, 自己同身边啲人. 再以唔同嘅角色去分析, 可能会更了解, 亦可以係好有趣.

近排, 身边多咗啲人嘅出现 - 好人. 有时, 我哋会称佢地为 - 贵人, 啩..

有时当你用心对待一嗰人时, 得返嚟嘅并非係人地嘅回报, 而係自己心里面嘅感动. 对人好, 自己同样地会感觉到嗰份真挚. 好满足. 可能就係因为咁, 啲近排出现人会无条件咁帮我.

多谢, 我讲唔出口. 因为, 唔係一句'多谢'就可以表达到心里面嗰份感激. 做, 用行动嚟表示先为之最实际, 最好嘅回报.

对得住自己, 对得住人地. 唔好令人失望.

念返起, 又再一次, 我发觉到侧田有首歌几啱 - "感动".

如果他朝有咁嘅一日, 我肯定唔会怕羞咁, 为所有我身边嘅人, 献上呢一曲.

运

2007-07-01T02:08:00.000+08:00

我信.

人好多时o係回忆返之前或以前嘅嘢时, 都总是会攞0依家啲嘢嚟比较. 好嘅话, 就会觉得安慰; 唔好叻, 就会唔开心, 甚至伤心.

咁, 又有无试过, 嗰心酸一酸, 之后有啲痛, 然后想喊咁? 再加上, 係同时嘴角向上一o郁, 之后, 讲唔出说话..

应该係感慨.

愤怒同时, 亦要多得呢宝贵嘅一课.

人生不如意, 十常八九. 懂得处理, 方为重要.

侧田有咁唱过:

" 當好景不再我們來聽聽. 你到底出聲打氣還是只懂得怨命. 我相信際遇如一面鏡. 用笑代替哭聲霉運才能撥正. 一息間充滿困難可必驚, 跌進海驚險之際前面有某座潛艇. 沿路定有著燈認領. 宁愿坐着怨幾聲, 還是努力博取拍掌聲 "

跟住, 罗文都有话:

" 小小苦楚等于激励, 等于苦海翻细浪, 藉着毅力恃我志气总要步步前望 "

运, 真係有嘅话, 都係上天嘅安排. 人生过程当中, 係学习, 係珍惜.

每当要重返嗰度, 都会念返起嗰时. 心会酸一酸, 跟住念起o係同一嗰地方, 我係曾经点挨过.

我会怀念嗰段日子, 我会记得嗰时我过嘅每分没秒. : )

多谢罗文, 多谢侧田.

" 明白了才悟到了命途的奧妙 "

" 敢抵抗高山, 攀过望远方 "

变. 新

2007-06-14T00:04:00.000+08:00

都有成年几啦. 感觉, 好似好陌生咁..

睇返, 就念起曾经讲过係o係转变中. 其实, 又有无叻? 自己念下, 好似有. 身边啲人都讲变咗好多好多. 係好事, 定係坏事叻? :]

我念, 应该係好嘅..

新嘅一页..